CACHARAGE AGAINST THE MACHINE 2025
- Diego Parajó Naveira
- 31 may
- 2 Min. de lectura
Actualizado: hace 3 días
Comunidade, síntese e experimentación sonora en directo.
O 24 de maio de 2025 celebrouse en Escola Unitaria (Santiago de Compostela) unha nova edición de Cacharage Against the Machine, unha xornada intensiva de experimentación sonora organizada en colaboración con XENEME e coa Comunidade de Sintetizadores do Local de Música de Pontevedra.
O encontro reuníu durante doce horas a artistas, produtores e afeccionadas á música electrónica nun formato híbrido entre festival, laboratorio e sesión formativa.
C.A.T.M. naceu en 2023 impulsada por XENEME co obxectivo de visibilizar o potencial creativo da síntese sonora e de xerar comunidades arredor da música experimental.
En 2025, o proxecto regresou con máis forza e cunha programación deseñada para combinar formación, creación e encontro social.
O reto era manter o espírito colaborativo das primeiras edicións —aberto, accesible e autoxestionado— e, ao tempo, dar un paso adiante na profesionalización das prácticas electrónicas locais, unindo artistas recoñecidos e novas xeracións de creadoras e creadores.
Fundamentación e enfoque
O Cacharage funciona como un espazo de aprendizaxe non formal, no que a experimentación se converte en metodoloxía de participación.
A súa proposta conecta coa tradición da música electrónica comunitaria, do DIY e da cultura maker, integrando dimensións pedagóxicas, tecnolóxicas e artísticas.
Desde esta perspectiva, XENEME e Escola Unitaria apostaron por un formato que entrelaza prácticas de educación expandida, creación colectiva e cultura libre, poñendo o acento na diversidade de linguaxes e na creación de contextos seguros e abertos.
Desenvolvemento do evento
O programa desenvolveuse entre as 11:00 e as 21:00, con entrada libre e actividades de acceso gratuíto e formativo. A estrutura combinou catro liñas de acción:
Experiencias de escoita e creación colectiva:
Baño de Sintes, unha sesión de ambient meditativo a cargo de EaranX, centrada na escoita activa e na atención plena a través do son.
Jam de Sintetizadores, improvisación aberta con hardware analóxico, dixital e modular, na que cada participante se integrou nunha mestura común sen xerarquías nin estilos predeterminados.
Laboratorio de práctica avanzada:
Sesión de Dubbing (Live + Mix) con Parautas e Juait, que reinterpretaron en clave didáctica as técnicas de mestura e eco do dub xamaicano, aplicadas á electrónica contemporánea.
Jam B2B de Sintetizadores, improvisación por parellas que fomentou o diálogo entre estilos, xerando pezas efémeras en continua transformación.
Directos e performances:
Death Whistle (Víctor García), FÍO (Fonsi) e Soul Lazh ofreceron directos que combinaron techno emocional, ruído inmersivo e hipnose sonora, acompañados de visuais de VHF.
Cacharage Against the Machine é unha declaración: un chamamento a conectar, experimentar e crear xuntas desde a liberdade e a curiosidade.