Dentro do traballo que facemos na Illa de Arousa coa Concellaría de Muller que dirixe Salomé Franco, e con motivo do Día do Orgullo LGTBIQ+ celebrado o 28 de xuño, fixemos unha campaña promocional en clave social.
O obxectivo desta campaña foi explicar as diferentes definicións dos termos e bandeiras asociadas ao colectivo LGTBIQ+ de xeito gamificado a través dun tríptico informativo e unha pancarta.
Para completar a campaña derivamos cun QR a unha entrada do blog da páxina web que creamos para a Concellaría de Muller. Nela explicamos máis a fondo onde naceu o movemento, máis bandeiras, máis conceptos e máis información sobre o Día Internacional do Orgullo LGTBIQ+.
Páxina web da Concellaría de Muller da Illa de Arousa --> mullerarousa.org
Esta campaña está dentro do marco de accións propostas co financiamento do Pacto de Estado contra a violencia de xénero, do Ministerio de Igualdade.
#lgtbiq #orgullo #innovacióncidadá #creatividade #participación #empoderamento #muller