PROGRAMA MENTORING PARA PERSOAS AUTÓNOMAS
- hace 3 días
- 2 Min. de lectura
Xeneme Innovación Social participa como entidade mentora no Pograma Mentoring para Persoas Autónomas impulsado pola Xunta de Galicia, unha iniciativa orientada á mellora da competitividade e sustentabilidade dos proxectos de persoas traballadoras autónomas.
O Programa de Mentoring para Persoas Traballadoras Autónomas impulsado pola Xunta de Galicia é unha iniciativa orientada a apoiar a persoas que desenvolven a súa actividade por conta propia. O obxectivo é mellorar o funcionamento dos seus negocios mediante acompañamento profesional, facilitando ferramentas para a análise, a planificación e a toma de decisións.
Trátase dun servizo gratuíto que ofrece un proceso estruturado de apoio individualizado, adaptado ás necesidades de cada proxecto.
O papel de XENEME:
XENEME participa neste programa como entidade mentora, desenvolvendo labores de acompañamento directo ás persoas autónomas que acceden ao servizo.
O seu traballo céntrase na análise de proxectos, na identificación de puntos de mellorar e na definición de estratexias que permitan optimizar a actividade profesional. Axudando así ás persoas autónomas a organizar os seus proxectos, mellorar os seus procesos e aplicar ferramentas que se basean na aplicación de metodoloxías de innovación social e ferramentas prácticas orientadas á mellora continua.
A quen está dirixido?
O programa está orientado a persoas traballadoras autónomas con actividade en Galicia que buscan mellorar o funcionamento do seu negocio. Está especialmente pensado para proxectos en marcha que precisan reforzar a súa organización, optimizar a súa xestión ou adaptarse a novos contextos, incluíndo a dixitalización.
Aínda que se dá prioridade a persoas cunha traxectoria mínima de actividade, o programa está aberto a diferentes perfís profesionais.
Qué ofrece o programa?
O acompañamento estrutúrase como un proceso práctico que combina análise e acción. As persoas participantes dispoñen de sesións individuais con profesionais expertos, nas que se traballan aspectos clave do negocio como a xestión, as vendas ou a organización interna.
O proceso inclúe tamén ferramentas de diagnóstico que permiten visualizar a situación do proxecto e identificar áreas de mellora, así como acceso a contidos formativos orientados á aplicación directa no día a día.
Ademais, o programa facilita espazos de encontro con outras persoas autónomas, favorecendo o intercambio de experiencias e coñecemento.
O programa aborda diferentes dimensións da actividade profesional, adaptándose ás necesidades de cada caso. Entre os ámbitos de intervención inclúense a planificación estratéxica, a análise económica, a dixitalización, o marketing e as vendas, así como a mellora da organización interna.
Tamén se traballan aspectos relacionados coa apertura a novos mercados, a optimización de procesos e o desenvolvemento de habilidades de xestión.
A participación de Xeneme Innovación Social neste programa permite contribuír á mellora do tecido autónomo en Galicia, facilitando ferramentas e acompañamento que favorecen unha xestión máis eficiente e unha evolución máis sostible dos proxectos.
Este enfoque combina coñecemento técnico, a práctica e metodoloxías de innovación social para apoiar o desenvolvemento de iniciativas profesionais con maior capacidade de adaptación e crecemento.
Consulta toda a información e inscríbete aquí!
Proxecto realizado en rede con:
